Kommunikasjon er meir enn det du seier. Det handlar om kva andre forstår – og kva som skjer etterpå.
God kommunikasjon startar med retning
Kven skal du nå? Kva skal dei forstå? Og kva ønskjer du skal skje?
God kommunikasjon startar før teksten blir skriven eller kameraet blir slått på. Han startar med å forstå målet, målgruppa og bodskapen.
Fjellar hjelper deg frå tanke og strategi til ferdig kommunikasjon.
Målet er ikkje meir kommunikasjon, men betre kommunikasjon
Eg heiter Håvar Fagerli og står bak Fjellar AS. Eg hjelper verksemder og organisasjonar med å finne bodskapen, nå fram med bodskapen og få kommunikasjonen til å fungere i praksis.
Eg kan vere rådgjevar, sparringspartnar eller ein ekstra kommunikasjonsressurs når de treng det.
Strategisk kommunikasjon
Treng organisasjonen ein tydelegare retning for kommunikasjonen?
Eg kan hjelpe med å:
* definere mål og målgrupper
* utvikle bodskap og kommunikasjonsplanar
* prioritere kanalar og tiltak
* skape samanheng mellom det de seier og det de faktisk ønskjer å oppnå
* vere sparringspartnar for leiing og andre som har kommunikasjonsansvar
Internkommunikasjon - frå bodskap til forståing
God kommunikasjon handlar ikkje berre om korleis verksemda møter kundar, media og omverda. Minst like viktig er kommunikasjonen mellom menneska som arbeider der.
Det er ikkje nok å sende informasjon. Han må også bli forstått.
Veit medarbeidarane kva som skjer, kvifor avgjerder blir tekne og kva som er forventa av dei? Får leiinga fram bodskapen sin? Og finst det rom for spørsmål, tilbakemeldingar og ulike perspektiv?
Fjellar kan hjelpe med å sjå på korleis kommunikasjonen fungerer internt – og finne konkrete grep som kan skape betre informasjonsflyt, tydelegare roller og sterkare samspel mellom leiing og medarbeidarar.
Eg kan mellom anna bidra med:
– kartlegging av intern kommunikasjon og informasjonsflyt
– kommunikasjon mellom leiing og medarbeidarar
– kommunikasjon ved endring og omstilling
– tydelege bodskap, roller og forventningar
– møte- og kommunikasjonskultur
– sparring og rettleiing i krevjande kommunikasjon
God internkommunikasjon skaper ikkje berre betre informasjonsflyt. Det kan bidra til meir tillit, større involvering og eit betre arbeidsmiljø.
Kommunikasjonstrening og mediehandtering
Det er forskjell på å vite kva du vil seie og å klare å formidle det godt.
Eg tilbyr trening og rettleiing for deg som ønskjer å bli ein tryggare og tydelegare talsperson – i møte, på scena, framfor kamera eller i møte med journalistar.
Saman kan vi arbeide med bodskap, framføring, spørsmål og svar, intervju og førebuing til krevjande kommunikasjonssituasjonar.
Innhald som fortel kven de er
Gode verksemder har ofte fleire gode historier enn dei sjølve er klar over.
Fjellar kan hjelpe med å finne, forme og formidle dei.
Eg kan bidra med:
* artiklar og nettsider
* foto
* videoopptak og redigering
* kundehistorier og medarbeidarhistorier
* pressemeldingar og redaksjonelt innhald
Du kan bruke Fjellar til eit enkelt oppdrag – eller som ein ekstern kommunikasjonsressurs over tid.
Sparring, leiing og utvikling
Kommunikasjon står sjeldan åleine.
Bak mange kommunikasjonsutfordringar ligg spørsmål om leiing, roller, forventningar, kultur eller samspel mellom menneske. Her kan Fjellar kome til nytte.
Det kan vere verdifullt å ha ein person utanfor organisasjonen å tenkje høgt saman med.
Eg kan vere ein uavhengig sparringspartnar når du ønskjer å:
* utfordre eigne vurderingar
* førebu ei viktig avgjerd eller samtale
* sortere ei kompleks problemstilling
* utvikle ein idé eller ei satsing
* få eit anna perspektiv
* gjere gode vurderingar endå betre
Eg lyttar og stiller spørsmål, men eg deler også erfaring og gir råd når det er nyttig.
Sparring handlar ikkje nødvendigvis om at noko er gale. Det kan like gjerne handle om ambisjonar om å bli betre.
Erfaring frå ulike sider av kommunikasjonen
Eg har arbeidd med kommunikasjon som lærar, leiar, ansvarleg redaktør, rådgjevar, rettleiar og offiser.
Det har gitt meg erfaring frå svært ulike situasjonar – frå utvikling av menneske og organisasjonar til media, krevjande samtalar, informasjonsflyt og samhandling.
Fellesnemnaren er kommunikasjon er å forstå situasjonen, finne det viktigaste og få bodskapen fram.
Ta kontakt for ein uforpliktande prat
Du treng ikkje vite nøyaktig kva teneste du skal bestille før du tek kontakt.
Kanskje du treng ein kommunikasjonsstrategi.
Kanskje du har ein bodskap som ikkje sit.
Kanskje verksemda har gode historier som aldri blir fortalde.
Kanskje du ønskjer eit uavhengig blikk på ei utfordring eller ein idé.
Eller kanskje du berre treng ekstra kompetanse og kapasitet ei stund.
Det første møtet er uforpliktande.