Erfaring

som skapar handling

Kommunikasjon handlar om meir enn ord. Det handlar om menneske, forståing, tillit og evna til å skape retning. Fjellar kombinerer erfaring frå kommunikasjon, leiing, koordinering og rettleiing for å styrkje samarbeid, skape framdrift og bidra til gode resultat.

Ta kontakt!

Erfaring frå fleire sider av bordet

Eg heiter Håvar Fagerli og står bak Fjellar AS.

Gjennom yrkeslivet har eg arbeidd med kommunikasjon, leiing, rettleiing og organisasjonsutvikling – som journalist og redaktør, leiar i offentleg sektor, pedagog og offiser i Heimevernet.

Desse rollene har gitt meg erfaring med å formidle bodskap, leie menneske, handtere krevjande situasjonar og skape samarbeid på tvers av fagmiljø og organisasjonar.

Eg har erfart kor viktig det er å forstå både heilskapen og detaljane. Å lytte før ein gir råd. Å skape tillit før ein forventar handling. Og å sørgje for at gode planar faktisk blir gjennomførte.

Det er denne erfaringa eg tek med meg inn i oppdraga gjennom Fjellar.

FILOSOFIEN BAK FJELLAR:

Kommunikasjon er leiing

God kommunikasjon er ein føresetnad for god leiing. Det handlar om å skape forståing, byggje tillit og samle menneske om ei felles retning.

Eg har arbeidd med kommunikasjon både som journalist, redaktør, leiar og rådgjevar. Det har lært meg at det ikkje er nok å ha ein god bodskap. Han må vere forståeleg, truverdig og relevant for dei som skal ta han imot.

Eg er oppteken av om kommunikasjonen verkar.

Blir bodskapen forstått? Skaper han tillit? Bidreg han til betre samarbeid, gode avgjerder og konkret handling?

Gjennom Fjellar kombinerer eg strategisk forståing med praktisk kommunikasjonsarbeid. Målet er ikkje berre å formidle informasjon, men å skape verdi for menneska og organisasjonane kommunikasjonen skal tene.

God kommunikasjon skaper ikkje berre forståing. Ho skaper retning og handling.

BAKGRUNN OG KOMPETANSE:

Brei erfaring. Nye perspektiv.

Eg har hatt roller der kommunikasjon, leiing og samarbeid har vore avgjerande – både i kvardagen og i krevjande situasjonar.

Det er denne erfaringa eg tek med meg inn i oppdraga gjennom Fjellar.

Media og kommunikasjon

Som journalist, ansvarleg redaktør og dagleg leiar har eg erfaring med redaksjonelt arbeid, strategisk kommunikasjon, mediehandtering, historieforteljing og leiing av ei medieverksemd. Eg kjenner både medielogikken og kor viktig det er å kommunisere tydeleg og truverdig.

Leiing og rettleiing

Gjennom leiarroller i skule og offentleg forvaltning har eg arbeidd med personalleiing, utviklingsarbeid, endringsprosessar og rettleiing. Eg har pedagogisk utdanning og vidareutdanning innan rettleiing, økonomi og leiing.

Samvirke og koordinering

Som offiser i Forsvaret har eg erfaring med planlegging, koordinering, rolleforståing og samarbeid mellom militære og sivile aktørar. Arbeidet har gitt meg innsikt i korleis ulike organisasjonar kan samarbeide når oppgåvene er komplekse og krava til samhandling er store.

Foto og innhaldsproduksjon

Eg har også lang erfaring med foto, tekst og visuell dokumentasjon. Gjennom Fjellar kan eg kombinere rådgjeving og koordinering med produksjon av innhald som synleggjer arbeidet og resultata.

SLIK ARBEIDER EG:

Frå gode idéar til konkret handling

Nokre oppdrag startar med eit behov for gode råd. Andre krev ein ressurs som kan ta ansvar for koordinering, kommunikasjon og framdrift.

Gjennom Fjellar kan eg bidra som rådgjevar, rettleiar, kommunikasjonsressurs eller prosjektkoordinator – anten i eit avgrensa oppdrag eller som ein del av verksemda over tid.

Eg trivst særleg godt i skjeringspunktet mellom menneske, organisasjonar og ulike fagmiljø. Der er det ofte behov for nokon som ser heilskapen, byggjer relasjonar og får samarbeidet til å fungere.

Arbeidsforma mi byggjer på tre prinsipp:

Forstå utfordringa

Lytte, stille spørsmål og skape ei felles forståing av mål, behov og moglegheiter.

Samle menneska

Avklare roller, byggje samarbeid og sørge for tydeleg kommunikasjon mellom dei som skal bidra.

Skape framdrift

Omsetje planar og gode idéar til praktiske tiltak, gjennomføring og resultat.

Usikker på kva du treng?

Fortel litt om utfordringa di, så finn vi ut korleis Fjellar kan bidra.

Ta ein uforpliktande prat!